Piniartut sapaatit akunnerini marlunni sikkussaaqqasut

Piniartut arfinillit Upernaviup avannaatungaani sapaatit akunneri marluk missaanni sikkussaaqqapput. Qiiagaluarlutik sikkussaaqqaffimminnit angerlaanneqarnissartik kissaatiginngilaat.

Piniartut umiatsiaararsortut arfinillit Upernavimmit kilometerinik 40-t missaannik avannarpasitsigisumi sapaatit akunnerini marlunni sikkussaaqqapput. 

Marlunngormallu petroliumik nunguutsigamik aatsaat politiit attaveqarfigaat. 

Politiillu Issittumi Sakkutooqarfik attaveqarfigaat, piniartullu ulorinartorsiuleqqunagit aaneqarnissaannik neqeroorfigineqarput - piniartulli tamatumunnga qujaannarput. Petroliumilliu uunnassaatissamik pajoqqupput.

Taamaammat sakkutuut timmisartuat Challengeri, avannaanut timmisartuussinissaminik pilersaaruteqareersoq, ippassaq Upernaviliartinneqarpoq piniartullu petroliumik nakkartitsivigineqarput. Issittumilu Sakkutooqarfiup ilimatitsissutigaa nakkartitsineq iluatsilluartoq piniartullu sikuernissaata tungaanut uunnassaaatissaqalerput.

Piniartut politiinit Issittumilu Sakkutooqarfimmit qanimut malittarineqarput, iridium-radiukkullu attaveqarfigineqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat