Pinerluuteqarsimannginnermik uppernarsaatit piumasarineqarput

Inatsisartunut qinersinerup kingorna Patii Inuit Siulittaasuat inatsisartunut ilaasortaanissamut naleqqutinngitsoq Qinigaanerup Misilinneqarnissaanut Ataatsimiititaliap aalajangerpaat.

Nunaqarfinni aqutsisut pingasut qinigaaffimminnut naleqqutsinnnngitsut qinigaasinnaassuseq pillugu ataatsimiititalimit aalajangiiffigineqarpuq.

- Uggornarpoq, aalajangiiffigineqartut taakkua nunaqarfinni aqutsisutut sulerusussuseqarput ilai aamma tatigineqarlutik qinerneqarput tamatigullu uggornartarpoq qinigaasinnaaneq pillugu ataatsmiititaliamit aalajangiisoqaraangatt.

Nunaqarfinni aqutsisut peqatigiiffianni KANUNUPE-mi siulittaasoq Jens Kristian Therkildsen taama oqaproq.

Qaammatit kingulliit ingerlanneqarneranni qinersinerit sisamat ingerlanneqarput,  tassalu Inatsisartunut kommunalbestyrelse-nut nunaqarfinni aqutsisunut aammalu ilagiit sinniisaannut qinersisoqarpoq.

Kommune-nut nunaqarfinni aqutsisunut ilagiit sinnnissaannullu qinigaasut arfineq pingasut qinigaaffimminnut naleqqutsinngitsutut Qinigaasinnaassuseq pillugu ataatsimiititalimit aalajangiiffigineqarput.

Qinigassanngortittut pinerluuteqarsimannginnerannik  uppernarsaateqarnissaat oqallisigineqartariaqarpoq,

Qinigassanngortinneq sioqqullugu  pinerluuteqarsimannginnermik uppernarsaamik  pisinnaaneq  eqqumaffigineqarnerusariaqarparput siunissami,  taamaalilluta taamatut pisut assigiinnngitsut uteqqattaarnssaat pinngitsoorneqarsimannaamata.

KANUNUPE-p siullittaasua Jens Krisitian Therkildsen taama oqarpoq.

Qinigaasinnaassuseq pillugu ataatsimiititaliap aalajangiiffigisaanni ilagiit sinnissaannut qinigaasunut tunngassuteqartut ikittuinnaat suliaraat, Nunatta biskoppiata Sofie Petersen oqaatigaa.

qinikkat arfineq marluk qinigaasinnaatitaanerannit pisussaaffiiagaapput tillliniarsimanerit peqquserluttuliorsimanerit  imigassartorsimalluni biilini ingerlatsisimanerit ilaatigut pissutaallutik.

Taakkununnga aamma ilaapput, ukiukitsunik kinguaassiuutitigut kannguttaatsuliornerit pissutigalugit,  taakkualu atii ilanngullugit tusagassiuutinut nalunaarummi saqqummiunneqarput.

Qinigaasinnaassuseq pillugu ataatsimiititaliap suliarisimasaanni ilagiit sinnisaannut qinigaasunit pisut ikittuinnaasartut Nunatta biskoppiata Sofie Petersenip oqaatigaa.

Qinigaasinnaassuseq pillugu ataatsimiititaliap tugassiuutinut nalunaarutaani atuarneqarsinnaavoq, ilagiit sinnisaannut qinigaasut marluk  ilungersunartunik unioqqutitsiimapput.

Biskop Sofie Petersen oqarpoq,  ilerasuuteqarnermut apeqqut uani pingaarnerusoq, qinigaasinnaanermut piukkunnaartuuneq nammineq nalilerneqartariaqarpoq, Sofie Petersen radioaviiisimut oqarpoq.

Taanna nunaqarfinni aqutsisut siulitttaasuanni taperserneqarpoq.

Qinigassanngortinneq sioqqullugu pinerluuteqarsimannginnermik uppernarsaammik piniartarnissaq  avaqqunneqarsinnaannginnerami pingaaruteqarpoq, tamannalu sukumiisumik eqqartorneqaqqittariaqarpoq,  Jens Kristian Therkildsen oqarpoq.

Kommune-mut nunaqarfinni aqutsisunut ilagiillu sinniisaannut qinigaasut pillugit Qinigaasinnaassuseq pillugu ataatsimiititalimi aalajangiisut oqaluunniarsimagaluarpagut.

Siulittaasoq nunatta eqqartuussisuunera Søren Søndergaard Hansnsen ilaasortarlu  kommunit kattuffianni siulittaasoq Martha Abelsen  ullup qeqqata siorna oqaluunniarsimagaluarpagut iluatsisinnaasimanngilarpulli.