Pinerluttunik isumaginnittoqarfiup 22-nik ukiulik PET-mut mianersoqqussutigisimavaa
Danmarkimi pinerluttunik isumaginnittoqarfik taama nalunaarpoq, taakku Politiit Isertortumik paasiniaasartut PET mianersoqqusimavaat, tamatumalu kingorna peqqarniisaarniatut nalunaarsorneqarsimavoq.
Pinerluttunik isumaginnittoqarfimmi isumannaallisaanermi pisortaq Michael Gjørup taama oqaluttuarpoq, erseqqissarlugulu inuit ataasiakkaat pillugit paasissutissiisoqartanngitsoq, 22-nilli ukiulik maanna toqoreersoq Omar Abdel Hamid El-Hussein ukkatarisimagitsik.
- Sapaatit-akunnerata naaneranili pisimasoq alianartoq pillugu aalajangersimavugut nalunaarutigissallugu ilumoorluinnarmat angut taanna suliffeqarfiutitsinni nalunaarutigineqarsimammat ukkatarineqarlunilu.
Aamma atuaruk Angutit marluk pinerliiniamik toqutaasumik ikiuisimanertik parnaarussaassutigaat
Pinerluttunik isumaginnittoqarfik ingasaassiniat pillugit nalunaarutisigaangat, PET aamma nalunaarfigineqartarpoq, inuillu pineqartut immikkut ukkatarineqalersarput.
- Nalinginnaasumik inuup pissusaa allanngortarpoq, oqalunnikkut assigusutigulluunniit, suliffeqarfiutitsinni tamakku sulisutta eqiingaffigilersarpaat, taamaalillutillu kingorna nalunaarutigineqartarput.
Aamma atuaruk Politiit matuma silatinnguaniipput qulimiguullillu qulaavaarpalupput
Tullinnguullugu periarfissaqarpoq eqqasuut pillugu oqaloqatiginninnertut taasamik ingerlatsineq, tigummineqartorlu parnaarussanik allanik isummaminik sunniiniarsarisoq paasineqaraangat, taassuma immikkoortortamut allamut nuunneqarnissaa periarfissaasarluni.
Aamma atuaruk Toqutaasut Danmarkimi eqqaaniarneqassapput
- Soorunami ukkatarineqartussatut isigisavut annertunerusumik nakkutigilersarpavut, Danmarkimi Pinerluttunik isumaginnittoqarfimmi isumannaallisaanermut pisortaq Michael Gjørup Danmarkip Radioanit apersorneqartilluni taama oqaluttarpoq.
/ritzau/