Pinerluttulerinermut inatsit kiisami kalaallisuunngortinneqarpoq
Inatsisit taakkua marluk januaarip aallaqqaataani atuutilerput. Naak ukiorpassuarni piareersarneqareeraluartut suli kalaallisuunngorlugit nutserneqarsimannginnerat, eqqartuussissuserisumit Finn Meinelimit sakkortuumik isornartorsiorneqareerpoq.
Inatsisit Folketingimit apriilimi 2008-mi akuersissutigineqarput.
Inatsisit nutserneri novembarip naanerani naammassisut, nittartakkamilu decembarip aallartinnerani saqqummersineqartut, Justitsministeria ilisimatitsivoq.
Inatsisit justitsministeriap nitartagaani maanna atuarneqarsinnaapput. Nunatsinnut inatsisinik ilisimatitsiffiusartumi, Nalunaarutini, kingusinnerusukkut aamma saqqummerumaarput.