Assi: KNR

Red Barnet Pimmatiginnittarneq akiorniaraat

Meeqqat Ikiortigit - Red Barnet Grønland - pimmatiginnittarneq akiorniarlugu suliniut nutaaq "Pajuppara" ukiaru aallartissavaa.

"Pajuppara" atuffassisarnermik tunngaveqarpoq, illoqarfiillu katillugit 16-it septembarip aallaqqaataanit tikinneqassapput, angalanerillu naggaserlugit Nuummut aappaagu 2020-mi januaarimi tikittoqassalluni.

Nammineq kajumissutsiminnik sulisut meeqqanik atuffassisassapput, oqaluttuaq pimmatiginnittarnermut tunngasoq atuffassissutigineqartassalluni. Meeqqat akunnerminni pimmatiginnittarunnaarnissaat "Pajuppara"-mi suliniutaavoq.

Air Greenland Pisiffillu suliniummut tapersersueqataapput.

- Oqaluttuarineqartussaq erseqqissuuvoq, tassani saqqummiunneqarluni nikanarsaasarnerup meeqqamut silatikkut ilukkullu qilerunitsitsilluni sunniuteqartarnera. Oqaluttuarlu pivisumit aasaavoq, tunngaviullutik eqqugaasimasut uatsinnut anngunnikuusaat, Meeqqat Ikiortigimi pilersaarusiornermut pisortaq Malin Corlin oqarpoq.

Pimmatiginnittarnermut tunngasoq oqaluttuarineqareerpat meeqqat sammineqartoq pillugu oqaluttuaq aallaavigalugu kingorna taava oqallillutillu isummersortassapput.

"Pajuppara"-mi suliniummut atatillugu angalasut Air Greenlandimit tapersorneqarput, assersuutigalugu angalaartitap isumannaatsumik ingerlalluarnissaa Air Greenlandimit tapersersorneqarluni.

Pisiffik suliniummut aamma tapersersueqataavoq, aaqqissuussanik ingerlatsinerni tamani Pisiffik sassaalliuteqartassalluni.

Pimmatiginnittarnerup akiorneqarnissaa siunertaavoq:

- Nikanarsaasarnermi Kalaallit Nunaanni annertuumik ajornartorsiutaavoq, taamatullu suliniaqatigiiffiup ukiuni aggersuni angajoqqaat, ilinniartitsisut, inuit allatut ilinniarsimasut inersimasullu peqaserivai meeqqat peqqissumik toqqissisimasumillu inooqatigiinnissaat angujumallugu suleqatigiinnissamut, Red Barnet Grønland, Meeqqat Ikiortigit, tusagassiutinut nalunaarummi ilaatigut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat