Peter Madsen Herstedvesterimit qimaariaraluarnermini tigusarineqartoq

Toqutsisimasutut pillagaasimasoq Peter Madsen parnaarussivimmit qimaariaraluni maanna tigusaaqqereerpoq.

Peter Madsenip illuinnarsuutitut isikkulik atorlugu arnaq tarnip pissusiinik ilisimasalik sallunaveeqqutitut Herstedvesterimi tigusarivaa taamalineranilu qimaariaraluarluni. Danmarkimi tusagassiorfiit assigiinngiitsut taama allaaserisaqarput.

Danmarkimi politiinit ualikkut nalunaaqutaq ataasinngortoq tigusarineqarpoq. Peter Madsen politiinit Herstedvesterimit kilometerimik ataatsimik ungasitsigisumi Albertslundimi unguneqarpoq tigusarineqarlunilu.

AAMMA ATUARUK Aqqartartuutilik inuunermi sinnerani parnaarussassanngortoq

Peter Madsenip politiit qaartartuuteqarnerarluni sioorasaarsimavai.

Peter Madsen, tusagassiortumik Sverigemeersumik Kim Wallimik toqutsisimasutut inuunermi sinnerani 2018-imi parnaarussassanngortinneqarpoq.

Kim Wall Peter Madsenip nammineq aqqartartuliaani Øresundimi toqutaavoq.