Aqqartartuutilik inuunermi sinnerani parnaarussassanngortoq
Danmarkimi umiarsuarnik aqqartartunik sanasartup Peter Madsenip tusagassiortumik toqutsisimasutut timaanillu agguisimasutut eqqartuunneqarnerata inernera ullaaq nalunaaqutaq qulingiluanut saqqummiunneqarpoq.
Taamaalilluni Danmarkimi pillaaneq sakkortunerpaaq pineqaatissiissutigineqarpoq tassalu Peter Madsen inuunermi sinnerani parnaarussassanngortinneqarpoq.
Danmarkimili pineqatissiisarnermi inatsit naapertorlugu sivisunerpaamik ukiut 16-t parnaarussaasoqartarpoq, taamaattumik Peter Madsen ukiut aqqaneq marluk qaangiuppata iperagaasinnaassaaq.
Pineqaatissiisoqareermat Peter Madsenip suliaq Østre Landsretsimut ingerlateqqippaa.