Perorsaanermi killiliisarneq iluaqutaasoq

- Meeraq killiliinermut ilinniartinneqaruni imminut naleqartinnera alliartussaaq, imminut tatiginerulissaaq, taavalu aamma meeqqat inuit akornanni akerleriissutigisaminnik aaqqiisinnaaneranik ajornannginnerulerluni namminerlu aamma killiliisinnaanera ajornannginnerulerluni, Ellen Bang Bourup oqarpoq. 

MIO-p umiarsuaateqarfik Royal Arctic Line suleqatigalugu atuagaq perorsaanermut killiliisarnermullu tunngasoq saqqummersippaa. 

Atuagaq angajoqqaanut isumassuisunulluunniit allanut saaffiginnittuuvoq.

AAMMA ATUARUK MIO-p perorsaaneq pillugu atuakkiaa RAL-imit aningaasaliiffigineqartoq

Angajoqqaat, meeqqat isumassuisunulluunniit allat perorsaanermi killiliisarnermut tunngatillugu sinaakkutissanik ujartuimmata atuagaq qisuariaatitut saqqummersinneqarpoq. 

Assigiinngitsutigut ikorfartuisoq

Perorsaanermi killiliisarneq meeqqamut assigiinngitsutigut ikorfartuivoq:

- Oqinnerujussuarmik ulluinnani atorsinnaavaa, aaqqiagiinngissutit uteriisaarnerillu annikinneerarsuussapput aamma soorlu pimmatiginnittarnerit, nakkarsaanerit qinngasaarisarnerillu aamma millerujussuarsinnaapput, meeqqanut siunnersorti oqarpoq nangillunilu:

- Meeqqat inersimasullu akornanni ataqqeqqatigiinneq akaareqatgiinnerlu pilertarpoq, Ellen Bang Bourup, MIO-mi meeqqanut siunnersorti atuakkioqataasimasorlu oqarpoq.

Atuagaq akeqanngitsoq kommuninut tamanut tunniussuisussanut, nassiunneqarpoq.