Peqqissutsimut Naalakkersuisoq: Coronamut akiuussusertissimasut ikippallaarput
Ukiarpugut-ukioriartulerpugut, tassanilu covid-19-imik nualluuummillu tunillaassuuttoqarnerulernissaa, peqqinnissaqarfik naapertorlugu naatsorsuutaavoq.
Peqqinnissaqarfik naapertorlugu Virusi allanngorartarmat timi imminut illersorluarsinnaaniassammat, akiuussuserneqareersimagaluaraanniluunnit, akiuussuserneqarnissaq pisariaqarpoq.
65-ileereersimasut 40%-ii taamaallaat akiuussuserneqarsimapput. Taamaattumik piffissap ilaani coronamut nualluummullu akiuussusersuinissamut neqerooruteqarneq peqqinnissaqarfiup ingerlatiinnarpaa.
Akiuussusersuinerit peqqinnissaqarfimmut iluaqutaasinnaapput
-Akiuussuserneqarnissamut neqeroorfigineqartut tamarmik akiuussuserneqassasut kajumissaarusuppakka, taamaalilluta inuit coronamik nualluummilluunniit sakkortuumik atugaqarsinnaanerat pinngitsoortissinnaaniassagatsigu.
-Akiuussusersuineq innuttaasunut ataasiakkaanut isumannaatsuutitsilluassaaq, tamatumalu peqatigisaanik ukiuunerani peqqinnissaqarfitsinnut iluaqutaassalluni, Peqqissutsimut Naalakkersuisoq Agathe Fontain tusagassiorfinnut nalunaarummi allagaqarpoq.
65-ileereersimaguit, naartuguit 2. immaqaluunniit 3. trimesterimi imaluunniit anigorsinnaanngisamik nappaateqaruit coronamik immaqaluunniit nualluummik tunillatsinnikkut sakkortuumik atugaqarnissamut qaninneruvutit.
Paasissutissat Coronamut akiuussusertinnermullu tunngasut uani atuarneqarsinnaapput: corona.nun.gl.