Peqqinnissaqarfiup oqarasuaatai aaqqeqqittut
Nalunaaqutaq 11.05 nutarterneqarpoq: Peqqinnissaqarfiup nalunaaruteqarneranit siullermit akunneq ataaseq qaangiutiinnartoq oqarasuaatit aaqqeqqipput.
Nunatsinni tamarmi peqqinnissaqarfiup oqarasuaatai ajutooqqapput, tamannalu peqqinnissaqarfiup pisortatigoortumik normuisa sunnerneqarnerannik kinguneqarpoq.
Peqqinnissamut aqutsisut ullaaq manna paasissutissiipput.
Tamatuma saniatigut Peqqinnissaqarfiup immikkoortortaqarfiisa ajornartoornermi oqarasuaatinut toqqaannartumik attaveqarfissat innuttaasunut paasissutissiissutigissagaat oqaatigaat.
Nuummi pinartoqartillugu ambulancenullu normu tassaavoq 22 51 94. Innuttaasut Nuummi nakorsiartarfimmut aamma ornigussinnaapput.
Peqqinnissaqarfiup oqarasuaatit aaqqeqqittut nalunaarutaq 11.01-inngortoq paasissutissiissutigaa.