Peqqinnissaqarfik pisortartaartoq

Malene Marie Nielsen qaammatini kingullerni tallimani Aqutsisoqarfimmi pisortaagallarsimavoq tamaammat atorfiminit nikittariaqanngilaq. Atorfinitsitsinissamut ataatsimiititaliap taanna piukkunnarnerpaatut toqqarpaat.

Atorfinitsitsinissamut ataatsimiititaliami tamanit isumaqataaffigineqartumik innersuussineq tunngavigalugu Peqqissutsimut Nunanillu Avannarlernik Suleqateqarnermut Naalakkersuisoqarfiup Malene Marie Nielsen peqqinnissaqarfimmi Peqqissutsimut Pitsaaliuinermullu aqutsisoqarfimmi pisortatut atorfinitsippaa.

AAMMA ATUARUK Peqqissutsimut Naalakkersuisoqarfimmi pisortanngortoq

Peqqissutsimut Nunanillu Avannarlernik Suleqateqarnermut Naalakkersuisoqarfik taama paasissutissiivoq.

Peqqissutsimut aqutsisoqarfiup pisortartaava ukiuni kingullerni 14-ini nunatsinni najugaqarpoq. Uini meeqqatillu marluk Nuummi najugaqaqatigiaat. Ukiuni kingullerni sisamani peqqinnissaqarfimmi aningaasaqarnermut pisortaasimavoq.

-Peqqinnissaqarfimmi sulinera assut nuannaraara. Taamaammat suliffeqarfimmi siuttuunissara peqqinnissaqarfimmilu atugassarititaasunik inerisaaqqinnissami peqataanissaq- sulisorpassuit aqutsisorpassuillu peqatigalugit innuttaasoq qitiutillugu- peqqinnissaqarfiup peqqissumik imminullu napatittumik inerisarnerata nanginnissaa assut qilanaaraara, Malene Marie Nielsen oqarpoq.

AAMMA ATUARUK Peqqissutsimut pitsaaliunermullu aqutsisoqarfik pisortartaartoq