Peqqissutsimut Naalakkersuisoqarfimmi pisortanngortoq
![](/sites/default/files/styles/image_934x467/public/article_images/tine_pars_0_1.jpg?itok=sAhTgvKF)
Ilisimatusarfimmi rektori, Tine Pars, Peqqissutsimut naalakkersuisoqarfiup pisortaatut atorfinitsinneqarpoq.
Naalakkersuisut nittartakkaminni taama allaaserisaqarput.
Tine Ilisimatusarfimmi 2009-miilli pisortaavoq Namminersorlutillu Oqartussanilu peqqissuunissamut pitsaaliuinermullu immikkoortortaqarfimmi siornatigut atorfeqarsimalluni. Aamma Ph.D.-itut ilinniakkani aqqutigalugu Nunatsinni peqqinnissap inooriaatsillu imminnut attuumassutaat ilisimatusaatigisimavaa.
- Tine Pars ukiorpassuarni pisortatut sulinermik misilittagaqarpoq Peqqissutsimut Naalakkersuisoqarfiup suliarisartagai pingaarnerit ilisimalluarlugit. Pineqartup suleqatigilluarnissaa qilanaarisorujussuuvara, peqqissutsimut naalakkersuisoq Agathe Fontain taama oqarpoq.
Tine Pars apriilip aallaqqaataani atorfinissaaq.