Peqqarniittumik nakuusersimasutut pasisaq iperagaasoq
Politiit pigaartuat marlunngornermi taama ilisimatitsivoq. Nuuk Centerip eqqaani nakuusertoqarnera pillugu politiit kalerrinneqarput.
Sermitsiaq.AG-p allaaserisaa naapertorlugu Katuap saavani nakuusertoqarpoq, inullu nakuuserfigineqartoq ajoqusersimaqisoq Nuuk Centerimut kingorna ingerlasimavoq tassanilu ikiortissarsiorluni.
Inuk ataaseq tigusarineqarpoq, suliarli misissuiffigineqareersorlu iperagaaqqippoq, sulili pasisaalluni. Politiini pigaartut ilaat Julie Senderovitz Bendtsen taama oqarpoq.
Nakuuserfigineqartoq, nakuusersimasutullu pasineqartoq imminnut ilisarisimanngillat. Nakuuserfigineqartoq KNR-ip attaveqarfigaa, taassumallu oqaatigaa pitsanngoriartorluni.
Nakuusertutut pasineqartoq eqqartuussivitsigut kingusinnerusukkut unnerluutigineqarumaartoq politiit ilisimatitsissutigaat.