Peqatigiiffiup nutaap Tasiilaq nuannersumik nittarsaanniaraa
Tasiilami sapaammi nalunaaqutaq ataatsimut akerliussutsimik takutitsilluni ingerlaaqatigiittoqarmat 100-t missaaniittut peqataasimasut aaqqissuusseqataasup Gert Ignatiussenip oqaatigaa.
ilaq ajortumik tujorminartumillu tusagassiuutini eqqartugaanera najugaqartut naammagilerlugu akerliussutsimik takutitsillutik.
Ingerlaaqatigeereernermi nutaamik peqatigiiffiliorniarneq siunniunneqartoq ingerlaaqatigiinnermut aaqqissuusseqataasoq Gert Ignatiussenip KNR-imi oqaatigaa.
AAMMA ATUARUK Tasiilarmiut naammatsittut: Ajortumik eqqartorunnaarniartigut!
Peqatigiiffik Tasiilaq Nuannimik atserneqarpoq, Tasiilamilu alianaaqutit pisullu nuannersut peqatigiiffik aqqutigalugu nittarsaassisoqartassalluni.
- Nuannersorpassuarnik aqqusaagassaqarfiuvoq saqqumisumik takutittarniarpagut imaluunniit allaaserisarniarparput.
Siumut sinnerlugu Inatsisartuni ilaasortaq Laura Táunâjik Uitsatikitseq akerliussutsimik takutitsinermi aaqqissuusseqataavoq. Peqatigiiffittaarlu aqqutigalugu Tasiilami siuarsaaqataasoqarnissaa neriuutigaa:
- Meeqqanik atornerluisoqartarnera toqqorterniarsarinngilarput, peqatigiiffilli aqqutigalugu siuarsaaqataarusuppugut.
- Atornerluisoqartarnera assut alianarpoq. Sorsoqatigiissaagulli ikioqatigiilluta, Laura Táuâjik Uitsatikitseq oqarpoq.