Peqatigiiffik: Namminersulivinniarneq unitsillugu ataatsimoorneq pilersitsigu
Peqatigiiffik Naalagaaffeqatigiinneq maanna qineqqusaarnermi oqallinnermut akuleruppoq.
Foreningen Rigsfællesskabet
Allattoq Helle Nørrelund Sørensen
oktobarip 24-at 2014 15:51
Siulittaasua isumaqarpoq politikerit Inatsisartuni ilaasortanngortussat namminersulivinnissaq unitsikkallalaarlugu taarsiullugu kalaallit nunaminniittut avataaniittullu tamaasa katersussangaat.
Ullutsinnimi nukiit pisariaqartitat akuutinneqanngillat, taanna isornartorsiuivoq.
- Upperilluinnarpara qineqqusaarnermi uani ajugaasussaq - tassaassasoq kalaallini inuiaqatigiinni ataatsimoornermik misigissuseqartitsisinnaasoq.
Kalaallit Nunaanni ingunngorlunilu aalliartorsimasorpassuarnut Nauja Lynge ilaavoq, sulilu kalaallinut inuiaqatigiinnut ilaasutut misigisimasoq, naak Danmarkimi najugaqaraluarluni.
Facebookimi siorna qupperneq aallartippaa taallugu "Naalagaaffeqatigiinneq oqallisigineqarli".
