Puisit amiinik taskiliat kavaajaliallu Great Greenland annaatissavaat
Aamma atuaruk Great Greenlandip sapaatip akunnerani kingullermi nalunaarutigaa, suliffeqarfik 1 februar pisortartaassasoq. Taanna tassaavoq, Ditte Sorknæs, taassumallu Great Greenlandip puisillu amiinik tunisassiornerup ingerlallualernissaa anguniassavaa.
Ditte Sorknæs amernik akitsorterussisarfimmi Copenhagenfur-imi tuniniaanermut pisortaatut sulisimavoq. Puisit amiinik taskelianik kavaalianillu tunisassiornerup annertusineqarnissaannik suliniuteqarniarpoq.
- Puisit amii nittarsaattariaqarpagut, puisit amiinit kusanarluinnartunik mersortoqarsinnaanera takuneqarsinnaaniassammat, Ditte Sorknæs oqarpoq.
Ditte Sorknæsip nassuiaatigaa, puisit amiinit mersukkat niuertarfinni takussaavallaanngimmata.
- Kalaallit Nunaata avataannut piguit , soorlu Danmarkimi puisit amiinik pisisarfiulluartumi – niuertarfinni puisit amiinik mersukkanik takussaanngilluinarput, Ditte Sorknæs oqarpoq.
Aamma atuaruk Partii Naleraq: Mersortarfiup ingerlaannarnissaa sulissutigineqartariaqarpo
Taamaattumik Ditte Sorknæs isumaqarpoq, attaveqatigiinneq annertooq pisariaqartoq, puisit amiisa tuniniarneqarnerat annertusineqassappat, taamaalillunilu suliffiit Kalaallit Nunaanniittut attatiinnarneqarnissaanut iluaqutaassammata.
- Inuussutissarsiutigalugu amernik pisisartunik oqaloqateqaruit, taakkuami ammit tunineqarnissaat pillugit soqutigisaqartuummata, taakkua oqartarput, puisip amia manngersuusoq, qeratasuujusoq oqimaatsuusorlu, taamaattumik oqaloqatigiinnissaq paasissutissiinissarlu pisariaqarpoq.
Taakkua oqaluttuunneqartariaqarput, puisip amia iluartuussoq kusanartuusoq oqortuusorlu, Ditte Sorknæs oqarpoq.
Nunani allanni tunisassiorneq ingerlaannassaaq.
Great Greenlandip nunani allani mersortarfiini, soorlu Grækenlandimi, Tyrkiami Portugalimilu puisit amiinik kavaajaliorlunilu taskiliortitsisarnini annertusisariaqarpai.
Kalaallit Nunaanni suliffiit annaanneqartussaapput, Great Greenlandimi pisortanngortussaq Ditte Sorknæs oqarpoq.
Aamma atuaruk Great Greenlandip puisit amiinik ikittukkaarlugit tunisisarneq killilersimaarusuppaa
KNR-imit sapaatip akunnerani kingullermi oqaluttuarineqarpoq, Great Greenlandip Qaqortumi mersortarfia januaarip naanerani matussasoq, taamaattumillu puisit amiinik Kalaallit Nunaanni mersortarneq unitsinneqassasoq, kisianni tassa Great Greenlandip puisit amiinik kavaaliortitsillunilu taskinik nunani allani mersortitsisarnini ingerlatiinnarpaa, tassalu taakkunani tunisassiat Ditte Sorknæsip illiuusissatut pilersaarutaanut toqqammaviussaaq.
Aamma atuaruk Great Greenlandip puisit amiinik ikittukkaarlugit tunisisarneq killilersimaarusuppaa
Great Greenland ukiuni amerlasuuni puisit amiinik kavaajalianik taskinik assigisaannillu nunanut allanut tunisassiortarpoq. Siornatigut soorlu nunanut Portugalimut, Tyrkiamut, Grækenlandimut, Kinamut, Indiamut Ruslandimullu tunisaqartarsimavoq, Great Greenlandimi pisortatut tunuartussaq Lars Berg oqarpoq.
