Ujaarineqarnera qaammatinngortoq: Danskit politiivisa Pavia ujarfissarsigaat
Pavia Henrik Anton Hamannip oqarasuaataata GPS-ikkut paasissutissaatai atorlugit februaarip qulingani ullaassakkut nalunaaqutaq 04.04 Randersip avannaata kangiatungaani Østrup Skovip eqqaani Nedre Vejimiissimasoq paasineqartoq Østjyllandip Politiivisa paasissutissiissutigaat.
Politiit naapertorlugit. Pavia Hamann Randersimit nal. 01.45 avannamut kangimut kangerluup avannaatungaanut ingerlasimarpasippoq, kujammut ingerlanani. Politiit Randersip kujataatungaani sumiiffimmi ujaaseqqaaraluarput, Paviap oqarasuaataa napparummut tamaaniittumut atassuteqarsimammat.
AAMMA ATUARUK Politiit ujaasinerat suli kinguneqanngitsoq
Politiit qimmilisarlutik kangerluup avannaatungaani ujaasigaluarput, kinguneqanngitsumilli.
Østjyllands Politiivisa innuttaasut Albækip Østrupillu nalaani najugaqartut Pavia Hamannip qinernissaanut kajumissaarpaat.
Paasissutissaateqarsinnaasut politiinut +45 87 31 14 48-mut saaffiginnissinnaapput.
AAMMA ATUARUK Pavia suli nassaarineqanngilaq
AAMMA ATUARUK Angut kalaaleq Jyllandip kangiani ujaarineqartoq