Patrick Newman: NunaMinerals matussappat kalaallinut annaasaqaataassaaq
Greenland Rare Earth Projectimeersoq Patrick Newman NunaMineralsimut aningaasaleeqataanikuusoq suleqataanikuusorlu suliffeqarfiup ataannarnissaanut aaqqiissutissamik maanna suliniuteqaleruttorpoq. Suliniulli iluatsinneqassanersoq suli nalunaarallarpoq.
Aamma atuaruk Nunaminerals annaanneqariataarsinnaasoq
- Neriuppunga eqqarsarpungalu aaqqiissummik nassaarsinnaassasugut. Kisinnili ilumoorpoq oqaraanni suliaq unamminassasoq, misiliiniarpugulli, Patrick Newman oqarpoq.
Suliaq iluatsinngippat pilersaarutaareersutullu NunaMinerals akiliisinnaajunnaarnermik nalunaaruteqassappat, Patrick Newmanimut Nunatsinnullu kingunipiloqassasoq, aningaasaliisartoq isumaqarpoq.
Aamma atuaruk NunaMineralsip akiliisinnaajunaarnini pisortatigoortumik nalunaarutigaa
- Taamannak pisoqassappat avaanngunassaaq. Siullertut aningaasanik annaasaqassaagut tulliatullu teknikikkut ilisimasat misilittakkallu katersorsimasagut annaassavagut. Taamannallu suleqatigiissimanerput unissappat nuannissanngilaq. Suleqatigiissimanerpummi naleqarluarami. Pingajuattut ilimangaara Kalaallit Nunaata suliniutinik nutaanik aallaartitsinissamut pilerisulersitsinissaa ajornarkusoortinnerulissagaa. Suliffeqarfiimmi unatut ittut ajutoorangata pitsaasuuneq ajorpoq. Taamalu pisoqaraangat kingunipiloqarsinnaasarluni. Kisianni oqaatigeriikkattut pisinnaasarput tamaat pisoq annaanniarsaraarput, Patrick Newman naggasiivoq.
