Qeqqussat kalitani naatinneqartut: Royal Greenlandip qeqqussanik naatitsineq qeqquarniarnerlu ukiuni marlunni misileraatigaa. Partii Naleqqap Naalakkersuisut qeqqussanik tunisassiorsinnaanermut periarfissanik maanna nassuiaasiortinniarpai.Assi: Inuuteq Kriegel / Royal Greenland

Partii: Qeqqussanit periarfissat atorluarneqassapput

Partii Naleqqap Naalakkersuisut nunatsinni qeqqussanik tunisassiornissamut periarfissanik erseqqissaatinniarpai. Siunnersuut ukiaanerani ataatsimiinnermi ullumi oqallisigineqassaaq.

Nunatta sineriaani aningaasarsiornissamut periarfissat immap naqqaniittut misissorluarnissaat nalissaqarpoq.

Partii Naleraq taama isumaqarpoq. Partiip immap naasui soorlu qeqqussat tunisassiornermut annerusumut atorneqarsinnaanerat Naalakkersuisunit misissortikkusuppai.

Qeqqussallu Inatsisartut ullumi ukiakkut ataatsimiinnerminni inatsisissatut siunnersuutini oqallisigisassaannut ilaapput.

AAMMA ATUARUK Nunatsinni qeqqussat ilisimatusarfigineqartut

Partiip qeqqussanik tunisassiornerup pilersinnissaanut annertusarnissaanullu tunngatillugu misileraanernut nassuiaateqartoqarnissaa siunnersuutigaa. Nassuiaammi kommuninit inuussutissarsiornermiillu misilittakkat ilaatigut tunngavigineqassasut, inatsisissatut siunnersuummi allassimavoq.

Qeqqussanit periarfissatsialak

- Immap naasuinik tunisassiorneq, illoqarfinnut minnerusunut, nunaqarfinnullu tulluuttuuvoq periarfissaq pitsassuaq, suliffissaqartitsinikkut, aningaasarsiornikkut siuariartornikkullu, partii siunnersuuteqarnermi tunngavilersuilluni ilaatigut allappoq.

AAMMA ATUARUK Royal Greenland Maniitsumi nammineq naatitaminit qeqquartartartoq

Partii Naleraq qeqqussanit periarfissamik kisimiilluni ilimaginnittuunngilaq. Aamma Royal Greenland misileraalluni naatitsillunilu qeqquartarpoq. Suliffeqarfiup naatitaminit aasaq manna uisuitsutai sulluitsutaalu 900 kiilut missiliorpaat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat