Partii nutaaq Savalimmiuni qinersinermi aalajangiisooratarsinnaasoq
Altinget:Arktis taama allaaserisaqarpoq.
Savalimmiuni Lagtingimut qinersisoqarnissaanut atatillugu qinersisartunik isumasiuinermi partiit akulliit saamerliillu naalakkersuisoqatigiivisa aamma partiit illuatungiliuttut talerperliit naligiillutik inissisimanissaat takutinneqarpoq.
Isumasiuinerummi takutippaa qinersinermi kingusinnerpaamik aggustimi pisussami partiit saamerliit talerperliillu tamarmik 16-inik ilaasortaatitaqalissasut.
Lagtingimilu amerlanerussuteqarnissamut ilaasortat 17-issaat aalajangiisuusussarlu, partiimit nutaamit Framtaki fyri kannabis-imeersuussangatinneqarpoq - Cannabis pillugu suliniaqatigiit.
Partiip anguniagai tassatuaapput hashimik atuinerup inerteqqutaajunnaarsinnissaa cannabissillu nakorsaatitut atorneqarsinnaannngornissaa.