Parisimi oqaluffissuaq Notre Dame ikuallattoq
Parisimi oqaluffissuaq Notre Dame ataasinngornermi unnukkut ikuallallerpoq.
Oqaluffissaarsuaq Pariisimiittoq suli ikuallarujussarpoq, oqaluffissaarsuullu qalia nakkaassimasoq nalunaaarutigineqarpoq qatserisartullu qamisaaleruttorlutik. Reuters allaaserisaqarpoq Notre Damemi ikuallanneq siaruaassimasoq.
Frankrigimi tv-qarfimmit assilisani takuneqarsinnaavoq oqaluffissuaq innerup poorsimagaa, ikuallattoqarneranulli suna pissutaanersoq politiinit suli nalunaarutigineqanngilaq, nutaarsiassaqartitsivik dpa allappoq.
Oqaluffissaarsuaq Frankrigimi oqaluttuarisaanermut ilaalluinnartoq ilisaanaataavoq, ikuallannerlu uagut nalunaaqutarput malillugu pingasunngulersoq aallartippoq. Oqaluffissaarsuaq ukiut 850-t sinnerlugit matuma siorna sanallugu aallartinneqarpoq, ukiullu 200-t missiliorlugit sananeqarluni.
- Ikuallanneq isigalugu aliatsannaqaaq, præsident Emmanuel Macron oqarpoq.
Oqaluffimmi nutarterinermik suliaqartoqarpoq, sulinerullu tamatuma nalaani ikuallattoqalersimasinnaasoq, qatserisartut aviisimut Libérationimut ilisimatitsissutigaat.
Takunnittut malillugit oqaluffik nal. 18.50 ikuallalerpoq.
Parisimi borgmesterip, Anne Hidalgop, "ajorluinnartumik ikuallattoqarnera" oqaatigaa.
Tv-qarfik BFMTV naapertorlugu inuit qeqertamit Notre Damep inissisimaffigisaanit Seinenimit qimagussortinneqarput, isumannaallisaanermilu aamma killeqarfiliortoqarsimalluni.
/ritzau/
Un terrible incendie est en cours à la cathédrale Notre-Dame de Paris. Les @PompiersParis sont en train de tenter de maîtriser les flammes. Nous sommes mobilisés sur place en lien étroit avec le @dioceseParis. J'invite chacune et chacun à respecter le périmètre de sécurité. pic.twitter.com/9X0tGtlgba
— Anne Hidalgo (@Anne_Hidalgo) 15. april 2019