Parisimi ikuallattoqarnerani inuit arfineq-pingasut ajunaartut
Frankrigimi qatserisartut nutaarsiassaqartitsivimmut AFP-mut taama ilisimatitsipput.
Piaaraluni ikuallatsitsisoqarsimasinnaanissaa pasitsaanneqarpoq, paasiniaasartullu ilaata oqaatigaa arnaq Parisimi tassunga atatillugu tigusarineqarsimasoq.
Inissiaq arfineq-pingasunik quleriiaalik Parisimi unnuakkut nalunaaqutaq ataatsip missaani ikuallalerpoq, Parisimi pigissaarnerit najugaqarfigisaasa ilaanni inissiat ikuallalerlutik.
Inuit 30-t allat ikuallannerani ajoqusersimasut nalunaarutigineqarpoq, takkunannga qatserisartut arfinillit:
- Ajunaarsimasut amerlanerusinnaapput, quleriit arfine-aappassaanni arfineq-pingajussaanilu suli ikuallammat, qatserisartut oqaaseqartitaat Clement Cognon oqarpoq.
Qatserisartut 200-t missaat ullaaq manna suli sulipput, ikuallalerneranullu pissutaasimasinnaasoq suli ilisimaneqanngilaq.
/ritzau/
