PAN AM assammik arsarnermi suliaqarnermut kingunerlussinnaasoq
Taama oqaluttuarpoq kattuffiup siulittaasua Jørgen Isak Olsen.- Nunanut allanut unammisartutsinnut sullissinerit, sungiusaasunik ilinniartitsinernut dommerinut pikkorissartitsinernut, piukkunnarsartitsinernut eqquisinnaappput.
PAN AM 2018 junimi Nuummi ingerlanneqarnissaanut aningaasartuutit matussuserniarneqarnissaat ajornakusoorpoq.
Taassuma ilanngulugu oqaatigaa, kattuffimmi siulersuisut aalajangersimavaat PAN AM 2018 ingerlanneqassasoq aamma amigatooruteqassagaluarpalluunniitl.
Amigaartoorutaasussat 1,5 million kr-niunissaat maanna naatsorsutigineqarpoq, amerlanerussagaluarpatalu katuffik akiliisinnaajunnaarsinnaasoq, kattuffiup siulittaasua Jørgen Isak Olsen oqarpoq.
AAMMA ATUARUK PAN AM kan blive dyrt for grønlandsk håndbold
Tamatumunnga pissutaasunut ilaavoq, pissartanngorniunissap pilersaarutigalugu allartinneranit aningaasartuutit amerlanerujusuanngorsimanerat.
Kalaallit Nunaanni Assammik Arsartut Kattuffiani siulittaasoq Jørgen Isak Olsen taama oqarpoq.
PAN AM 2018 naatsorsuutigisamit akisuneruneranut pissutaasunut ilaavoq, assammik arsartartut sungiusaasullu amerika qiterlermeersut Nuummut timmisartuuneqarnissaat akisunerusussaammat, tamannalu Kalaallit Nunaanni Assammik Arsartut Kattuffiata akilertussaallugu.
Timersortartut timmisartumik angallanneqarnissaat 7 million kr-nit missaannik akeqassaaq, tassalu pissartanngorniunnissamut missingersuutit affangaajaaat timersortartut timmisartumik angallanneqarnerannut atorneqassallutik
Kalaallit Nunaanni Assammik Arsartartut Kattuffianni siulersuisut marsip ulluisa qulinganni aqqarngannilu ataatsimiissapput, PAN AM 2018-mi aningaasartuutit kattuffiullu aningaaatigut inissisimanera oqaluuserineqassalluni.