Paavip kinguaassiutitigut atornerluisarneq iliuuseqarfigeqqugaa

Ilagiit katuullit akornanni kinguaassiutitigut atornerluisarnerit qanoq iliorluni pinngitsoortinneqarsinnaanersut, katuullit siuttuisa oqallisigissavaat.

- Kinguaassiutitigut atornerluisarnerit assuaralugit naammanngilaq. Pinngitsoortinniarlugit arlaatigut iliuuseqartoqartariaqarpoq.

AAMMA ATUARUK Pave Frans kinguaassiutitigut atornerluinerit oqaloqatigiissutiginissaannut aggersaasoq

Kardinaalit biskoppillu 200-t angullugit Vatikanimi ataatsimeersuarnissaat ammarneqarnerani Paavi Frans taama oqarpoq. Nutaarsiassaqartitsivik AP taama allaaserisaqarpoq.

Meeqqat ukiukitsut kinguaassiutitigut atornerlunneqartarsimanerat ilagiit katuullini ukiuni qulikkaani amerlasuuni ajornartorsiutaavoq.

Vatikanimi ataatsimiinnerup qulequtaa tassaavoq. "Ukiukitsut ilagiit katuullini illersorneqarnissaat", kardinaalillu biskoppillu saniatigut mattuttut assigiinngitsut peqataassapput, meeqqallu atornerlunneqarsimasut aamma peqataassallutik.