Pave Frans kinguaassiutitigut atornerluinerit oqaloqatigiissutiginissaannut aggersaasoq
Meeqqat kinguaassiutitigut atornerlugaasannginnissaat pillugu iliuusissat naapeqatigiinnermi eqqartorneqassapput, ilagiit katuullini atornerluisarnerup akiorniarneqarnissaa siunertaalluni. Vaitkanip oqaaseqartitaa taama ilisimatitsivoq.
Tysklandimi ilagiit katuullini meeqqanik tuusintilikkaanik 1946-mili atornerluisoqartarsimanera, Tysklandimi atuagassiat angisuut marluk allaaserinnereersullu biskoppit Vatikanimi naapeqatigiinnissamut aggersarneqarput.
Meeqqat ilagiit katuullineersut nunani assigiinngitsorpassuarni kinguaassiutitigut atornerlugaasarsimanerat paasineqareerpoq, Tysklandilu taakkununnga ilaalluni.
Meeqqat kinguaassiutitigut USA-mi, Chilemi Australiamilu atornerlugaasarsimasut ilaatigut saqqummiunneqarpoq.
USA-p nunap immikkoortuani Pennsylvaniami ilagiit katuullit palasiisa akornanni palasit 301-it meeqqanik atornerluisarsimanerat qanittukkut paasineqarpoq.
/ritzau/
