ASSIT Paamiuni ippassaq unnukkut nalliuttorsiortoqarpoq

Paamiuni timersortarfik ukioq ataasingajak nutarterneqareersorlu inuusuttut illoqarfimmiullu timersornermik nuannarisaqartut, timersortarfitsik atoqqissinnaanngorpaat.
Allattoq Karsten Sommer
novembarip 06-at 2014 15:57
Nutserisoq Elisa Isaksen

Timersortarfik oqummik eqqugasimavoq tamatumalu peqatigisaanik natia qupisimalluni. Timersortarfiup illoqarfimmut pingaaruteqarluinnartup ammaqqinnissaa anguniarlugu Kommuneqarfik Sermersooq 13 millionit koruuninik akiliisariaqarsimavoq.

- Paamiut timersortarfiat illoqarfiup qiteraa, taamaammat aningaasaliisoqarnissaa Kommunalbestyrelsip qularutigisimanngilaa, borgmester Asii Chemnitz Narup timersortarfiup ammaqqinneqarneranut atatillugu Paamiuniittoq oqarpoq.

Paamiuni timersortarfik peqatigiiffinnit arfinilinnit atorneqartarpoq. Timersortarfik illoqarfimmi kulturikkut aaqqissuussisoqartillugu aamma atorneqartarpoq.

Tamakku saniatigut timersortarfik atuarfimmit, utoqqaat illuannit aamma Imarsiornermik Ilinniarfimmit atorneqartarpoq.