Paamik akulinnik Issittumi aniatitsineq annikillisarniarneqarpoq
Ataatsimiinnermi siulittaasup, Sverigemiut avatangiisinut ministeriata Lea Ek-ip paamik akulinnik silaannarmut aniatitsinerup affaannanngortinneqarnissaa kissaatigaa, tamakkumi sapaatit akunneri marlussuit silaannarmiissinnarlutik sermimut apummullu torartarput Issittullu silaata pissusianut akornaalersarlutik.
Issittoq silarsuup uummatigaa; anori, imaata sarfaa silaannarlu Issittoq aqqusaarlugu ingerlaartarput. Taamaammat nunat paamik aniatitsinerisa qummut killilerneqarnissaat pillugu isumaqatigiissuteqarluta atsioqatigiipput, Lena Ek oqarpoq.
Paaq, motoorinit dieselitortunit kissarsuutinillu pinngortoq, misissuinerit nutaat Journal of Geophysical Researchimi saqqummiunneqartut naapertorlugit inuup pilersitaanik silaannaap kissakkiartorneranut peqqutaasut annerit aapparaat maannamullu ilimagineqartumit silap pissusiinut marloriaammik sunniuteqartarluni.
Paap, tuluttut black carbonimik taaneqartartup, silaannaap kissakkiartornera sukkallisippaa, sananeqaateeqqat silaannarmiinnerminni kiammik milluaasarmata sermimillu apummillu taarsititsisarmata. Aammattaaq sermit iigartartut aakkiartornerinik sukkallisitsisarpoq nunarsuullu ilaanilu silap pissuserisaanik akornusersiusinnaalluni.