Oslomi biilit dieselitortut atoqqusaajunnaassasut
Silaannaap mingutsinneqarnera peqqissutsimullu navianarnera pissutigalugit dieselitortut ingerlaaqqusaajunnaarallassasut, norgemiut nutaarsiassaqatitsiviat NTB taama allaaserisaqarpoq.
- Sila ullumi aqagulu nillerluni anoreqarpiassanngilaq, tamannalu pissutigalugu illoqarfiup annersaani putsumik mingoqangaatsiarnissaa ilimasaarutigineqarpoq
Dieselitortunillu biilillit nalunaaqutaq ullaakkut arfinermit unnukkut qulit tungaannut biileqqusaajunnaarallassasut, Oslomi kommune taama nalunaaruteqarpoq.
- Silap qanoq innissaa malinnaaffigeqqissaarparput, deiselitortunillu biilerneq aatsaat atorunnaarsinnaassaaq avatangiisinut pisortaqarfik nalileereerpat.
Naak diesilitortut killilersorneqaraluartut immikkut napparsimasunut pisortanullu sullissisut biiliisa killilersorneqannginnissaat kommunemit aamma erseqqissaatigineqarpoq.
/ritzau/NTB
