Orsersornissamut kortit atorunnaarsinneqartut

Naalakkersuisuusimasup Doris J. Jensenip orsersornissamut kortiata atornerlunneqarnerata kingunerisaanik, Naalakkersuisunut ilaasortat atorfimmut atatillugu biilerisamik orsersornissaannut kortimik tunineqartarunnaassapput.

Orsersornissamut kortip atornerlunneqarneranik suliaq tunngavigalugu ilitsersuummik nutaamik aningaasaqarnermut naalakkersuisup akuersissuteqarsimanera 2017-imut Nunatta karsiata naatsorsuutaata akuersissutigineqarnissaanut atatillugu akissuteqaammi atuarneqarsinnaavoq.

AAMMA ATUARUK Biileqartitaanermut malittarisassat allanngortinneqassapput

Naalakkersuisunut ilaasortat biileqartitaasut taamaalillutik biili akileraartartut akiligaannik orseraagamikku Namminersorlutik Oqartussanut akiligassamik nassiussisalissapput.

Aamma atorfimmut atatillugu biilit isumaqatigiissuteqarfiusut saniatigut biilinik allanik orsertoqarsinnaannginnera ilitsersuummi nutaami ersarissarneqarpoq.

AAMMA ATUARUK Doris J. Jensen Naalakkersuisunit tunuarpoq