Orpippassuit ikuallannerat pissutigalugu Canadap avannaani inuit 4000-it qimagussortinneqartut
Canadap avannaata kippasinnerusortaani orpippassuit ikuallannerat pissutigalu illoqarfimmmi Hay Riverimi innuttaasut tamarmik qimagussortinneqarput.
Oqartussaasut taama paasissutissiipput, nutaarsiassaqartitsivik Reuters taama allaaserisaqarpoq.
Illoqarfik Hay River 4.000-nik innuttaqarpoq.
Canadami nunap imikkoortuani Northwest Territoriami naalakkersuisut illoqarfimmi innuttaasut tamaasa, taakkununngu ilanngullugit napparsimasut pitsorluttullu mittarfeqaliaqqullugit oqartussaasullu iliuusissanik paasissutisiinissaannik utaqqeqquaat.
Illoqarfimmi Hay Riverimiiginnarniartut tamanna namminneq akisussaaffigissagaat, oqartussaasut tallimanngornermi taama oqaseqaateqarlutik paasissutissiipput.
- Illoqarfimmi annaasiniutaasinaasunik peqanngilaq.
Canadap oqaluttuarisaanerani orpippassuit aatsaat taama annertutigisumik ikuallapput.
Inuit 50.000-nik sinneqartut sapaatit akunnerini kingullerni angerlarsimaffimminnit qimagussuunneqartariaqarsimapput,