Caribiap ilaani anorersuarujussuartuarsinnartoq

Kiattup anorersuarujussua, Fiona, Caribiami Den Dominikanske Republikimi ataasinngornermi siallertitsingaatsiarpoq.

Puerto Ricomi qarsutsinersuaqareersorlu Den Dominikanske Republik eqqorneqarpoq, nunanilu taakkunani marlunni aamma innaallagiaaruttoqarluni.

Anorersuarujussuit sakkortussusaat 1-imiit 5-imut nalilerneqartarput, 5 sakkortunerpaalluni, Fionalu 1-itut nalunaarsorneqariarluni sakkortuseriaannarluni 2-tut maanna nalunaarsorneqalerluni.

USA-p anorersuarnut nakkutilliisoqarfia, National Hurricane Center (NHC), taama ilisimatitsivoq.

AAMMA ATUARUK Puerto Rico erklærer undtagelsestilstand og gør klar til storm

Fionap suli sakkortuseriaannarluni nalunaarsueriaatsimi 3-nngornissaa ilimagineqarpoq, Atlantikumi ukioq manna anorersuarujussuit akornanni sakkortunerpaanngussalluni.

Anorersuarujussuit 3-tut sakkortussusilittut nalunaarsorneqartut sekundimut 50 aamma 57,9 meteritut sakkortussuseqartarput, ulorianartorujussuartullu nalilerneqartarlutik.

Anorersuarujussuup Fionap Puerto Rico aqqusaarmagu Puerto Ricop ilarujussuani innaallagiaaruttoqarpoq. Puerto Rico USA-p ilaattut namminersortuuvoq.

Innaallagiaaruttoqarnerata saniatigut aseruatiternerit imaaginnavipput.