Puerto Ricop sukannersumik immikkut aqutsisoqarnissaa nalunaarutigigaa
Kiattup anorersuarujussua Dorianimik atserneqarsimasoq Puerto Ricomut Den Dominikanske Republikimullu anngutilerpoq.
Puerto Ricop guvernøriata Wanda Vazquezip nunami tassani sukannersumik immikkut aqutsisoqarnissaa nalunaarutigaa.
Allattoq Ritzau
aggustip 28-at 2019 09:18
Anorersuarujussuartut sakkortutiginissaa naatsorsuutigineqarpoq, Puerto Ricomullu Den Dominikanske Republikimullu ullumi anngutissangatinneqarluni.
Nutaarsiassaqartitsivik Reuters taama allaaserisaqarpoq.
Puerto Ricop guvernøriata Wanda Vazquezip nunami tassani sukannersumik immikkut aqutsisoqarnissaa nalunaarutigaa. Puerto Rico USA-p ataani inissisimavoq, namminersortuulluni.
Puerto Rico anorersuarujussuarnit Irmamit Mariamiillu 2017-imi eqqorneqarpoq, inuillu 3000-init amerlanerusut taamanikkut ajunaarlutik.
- Anorersuarujussuup Mariap eqqormatigulli aatsaat taama piareersimatigaagut, Vazquez, nunap taassuma tv-qarfianut oqarpoq.
Qimarnuiit 360-it Puerto Rico tamakkerlugu ammatinneqassasut, taassuma ilanngullugu ilisimatitsissutigaa.
/ritzau/
