Oqaatsivut pillugit oqallinnermut ICC aamma akuliuppoq
ICC-ip siulittaasua isumaqarpoq, kalaallit oqaasiisa inuiaqatigiinni inissisimanerat pillugu taanna oqallinnerunngitsoq.
- Tusaasinnaasakka malillugit oqallinneq tassaaneruvoq ulluinnarni inuunermut tunngassuteqartoq, tassalu inuuniarnikkut atukkat artornarsinnaasut, aamma inuutissarsiutitigut ilinniagaqannginnermut periarfissaaleqinermullu tunngassuteqarnerullutik.
- Kalaallit oqaasii inuiaqatigiinni pisortatigoortumik akuerisaagamik inatsisitigut illersorneqareerput, aamma ukiorpassuarni nunarsuarmioqatigiinni sulinitsinni angoriikkavut eqqarsaatigalugit tulluusimaarutissaqaqaavut.
- Nammineq pisinnaatitaaffivut sorsuutigigaangatsigik, taava imminut assortorneruvoq allat pisinnaatitaaffiinik ilanngartuiniarsarinertut nipilimmik saqqummiisarneq.