Oqaatsitsigut atuartitsissutit atuartunut unammillernartut
Ilinniartitaaneq suli unammillernartoqarfiuvoq. Meeqqammi atuarfiini atuartut tuluttut, danskisut matematikkimilu angusinngitsut amerlavallaartut aviisi Sermitsiaq, nuna tamakkerlugu ukiup siuliani karakteerigitinneqarsimasunik misissuereerluni taama allaaserisaqarpoq.
AAMMA ATUARUK Tuluit oqaasii takornartat oqaatsini sallersaalissanersut Inatsisartut oqallisigileraat
AAMMA ATUARUK Tuluit oqaasiisa piorsarsimassuserput sunnissavaat
Atuartut pingasuugaangata ataatsip tuluttut allattariarsornermik saqqummiussaa naammaginanngitsutut nalilerneqarsimasarmat, tuluttut allattariarsorneq angusinngitsoorfiunerpaajuvoq.
Ikittuinnaat angusaqarluartut
Aamma karakteerinik A-mik, B-mik C-millu angusaqartut ikippallaarput. Atuartummi 65 procentii karakteerinik taakkuninnga angusaqarnissaat anguniarneqaraluartoq, aviisi allappoq.
Atuartulli 25 procentiinnaat karakteerimik A-mik B-mik C-milluunniit angusaqarput.
AAMMA ATUARUK Namminiilivissagutta ilinniartariaqartugut
Angusaqarluartullu taama ikitsiginerat, meeqqallu atuarfiini naammassinerup kingorna ilinniaqqittartut ikinnerat ernumanartoq Nuummi GUX-mi rektori, Mikael Enggard Sermitsiamut oqarpoq.
Inuiaqatigiinnut pitsaasuunngitsoq
Atuartummi ukioqatigiinnersut affaat inuusuttuaqqat ilinniarfiini ilinnialerneq ajortut siornatigut misissuinerit takutereerpaat.
- Tamanna inuiaqatigiinni nutaaliaasuni pitsaasuunngilaq, piginnaasanik pisariaqartitsinerit amerligaluttuinnarmata, Mikael Enggard Sermitsiamut oqarpoq.
