Oqaatsitigut naligiissitaaneq Siumup piumasaraa
Nunatsinni eqqartuussivimmut suliassanngortitsisoqartillugu, kalaallit oqaasiisa salliutinneqarnissaat Siumup kissaatigaa.
Siumup kissaatigisaa naapertorlugu suliassap pasilliutitut saqqummiunneqarneranit eqqartuussivimmi naammassillugu suliarineqarneranut kalaallisut suliarineqartariaqarpoq.
Taamaattorli suliassami pineqartut kalaallisut paasisinnaanngippata nutserisoqarnissamut periarfissaqartitsisoqassasoq, siunnersuummi oqaatigineqarpoq.
Siumup inatsimmut allannguutissatut siunnersuutimi ingerlateqqinnginnerani, Nunatsinni Naalakkersuisunut tusarniaassutigaa, ukiullu nutaap aallartisimalernerani akissuteqartoqarnissaa naatsorsuutigalugu.
Siunnersuut Naalakkersuisunit isummerfigineqareerpat, folketingimut suliassanngortinneqassaaq.