Siumut iluminni pissaaneqarniunneranni, Avannaata Kommuniani aamma Siumut borgmesterinngorniutilersut.Assi: Scanpix

Oqaaseqartartoq pissaaneqarniunneq pillugu: Avissaartuunneq inuiaqatigiit piumanngilaat

Avannaata Kommuniani pissaaneqarniunneq suliassatut siulliunneqartussaanngikkaluarpoq. Politikerit avissaartuunnissaat inuiaqatigiinnit piumaneqanngilaq, politiki pillugu oqaaseqartartoq, Irene Jeppson oqarpoq.

Politikerit suleqatigiittut innuttaasunit piumasarineqarput. Aamma partiit iluminnik. Politiki pillugu oqaaseqartatoq,  Irene Jeppson taama oqarpoq.

Taassuma Siumut kina piginnaanermik tigumminnittuunissaa pillugu iluminni akerleriinnerat innersuussutigaa.

Avannaata Kommuniani borgmesterimit Palle Jerimiassenimit, Minik Høegh-Dam taaguunneqarneruvoq. Taamatullu pisoqarnerani partii iluminni borgmesterinngorniutilerput.

- Taannartaa assut nuannerpallaanngilaq aamma qinersisartuulluni, Irene Jeppson oqarpoq.

AAMMA ATUARUK Avannaata Kommuniani partiit Siumumik isumaqatigiinniarnertik unitsikkallaraat

Siumumi siulittaasoq Erik Jensen SIumumilu siulittaasuusimasoq Kim Kielsen avissaartuunnerata saniatigut, aamma Siumumi borgmesterinngorniuttoqarpoq.

-Avannaanut qiviaqqaarutta, inuiaqatigiinni kivitassarparpassuaqartugut nalunngilarput, Avannaata Kommunia qanittuni namminersorlutik oqartussat nakkutilliinermi ingerlatsivianninngaanniit isornartorsiorneqangaatsiarpoq, unnuk qinersivimmi KNR-imi politikimut oqaaseqartartuusoq, Irene Jeppson taama oqarpoq.

Sammisat ilungersunarnerusut oqaluuserineqartariaqartut

Kommunimut qinersinermi Minik Høegh-Dam 406-inik taaguunneqarpoq, Palle Jerimiassen 338-nik taaguunneqartoq. Kinalu qinerneqarnerunersoq pivallaanngikkaluarlugu, Avannaata Kommuniani ajornartorsiutit ukkannerusariaqaraluaraat, Irene Jeppson isumaqarpoq.

AAMMA ATUARUK Avannaata Kommunianut isornartorsiuterujussuit: Ataatsimik ukiulik gonorrértoq

-Tassani pineqarput meeqqat inuusuttullu sumiginnakkat, meeqqat qimaannakkat, meerarpassuit angerlarsimaffiup avataanut inissinneqarsimasut, angajoqqaarsiat meeqqallu tapersersorneqarnissaminnik pisiaqartitsisut. Meerarpassuit atugarliortut kiffartuussisussallu iliuuseqartussat issiavilerngusaallutik assortuupput. Tamanna pissusissamisoortutut isiginngilara, qinersisartunut inuiaqatigiinnullu pitsaanngilaq, politikerit taamatut assortuunnerat. Taannnartaa eqqarsarnartorujussuuvoq, taanna oqarpoq.

Kommuni Qeqertalimmi allatut iliuuseqarput

Kommuni Qeqertalimmi borgmesteri, Ane Hansen, parteeqatiminit Peter Olsenimit aamma taaguunneqarneruvoq.

Partiilli iluminni avissaartuuffiginagu iluminni oqallisiginiarpasikkaat, Irene Jeppson oqarpoq.

- Taakku Aasianni tusarsaavallaanngillat, iluminni nipaatsumik aaqqiiniarpasipput. Peter Olsen ulluni makkunani eqqarsangaatsiarunarpoq. Tassami Kommuni Qeqertalimmi taaneqarnerpaavoq, Inatsisartunullu iserluni. Taakku kisianni nipaatsumik atorpaat, pissanganassaaq ulluni tulliuttuni Aasianninngaaniit paasisaqarumaarnerluta.

AAMMA ATUARUK Borgmester eller naalakkersuisoq? - Peter Olsen står i et dilemma  

Partiini siuttut taaguunnikinnerusut

Borgmesterip marluk parteeqatiminniit ikinnerusunik taaguunneqartuni kisimiinngillat.

Inatsisartunut qinersinermi Kim Kielsen Erik Jensenimit taaguunneqarneruvoq, aamma Demokraatini Anna Wangenheim, Nivi Olsenilu siulitaasuminnit Jens-Frederik Nielsenimit taaguunneqarnerupput.

Anna Wangenheimip taaguunneqarnerusnera, peqqissutsimut naalakkersuisuugallarami saqqummerluartarnini iluaqutigisimassagaa, Irene Jeppson isumaqarpoq.

- Uani taasinnaavara Jens Frederik Nielseni Demokraatini nutaajunngilaq kisianni siulittaasutut nutaajuvoq, qaammatit ikitsuinnaat siulittaasutut ingerlanikuuvoq. Anna peqqissutsimut naalakkersuisuunermi nalaani covid-19-imut atatillugu tusagassiuutitigut saqqummeqattaarnikuuvoq, taanna aamma arlaatigut iluaqutigisimassavaa. Saqqummeraangami eqqissisimasumik tatiginassusilimmillu saqqummertarami, taanna oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat