´Oppenheimer´ filmiliani torrallattaanerpaatut Oscarinnattoq
Filmiliortartut nersornaasiuttagaannik OSCAR-inik ataasinngornermut unnuaani nersornaasiisoqarmat, filimi ´Oppenheimer´ arfineq-marlunnik nersornaaserneqarpoq.
`Oppenhiemer´ filmiliani torrallattaanerpaatut Oscarinnappoq, taanna Christopher Nolanimit allanneqarpoq ilitsersorneqarlunilu.
´Oppenheimer´ filmiliani torrallataanerpaatut toqqarneqarnerata saniatigut Christorpher Nolan ilitsersuillaqqinnerpaatut nersornaaserneqarpoq, taava angutini pingaarnertut filmini inuttatut Cilian Murphy nersornaasigaavoq, taava angutini filmiliaritittuni pingaarnerup tulliatut nersornaseqarneqarpoq, Robert Downey Jr.
´Oppenheimer´ filimini killorluagaanerpaatut, filimini nipilersuutiginnerpaatut assilineqarluagaanerpaatullu nersornaaseqarpoq.
´Oppenheimer´ oqaluttuarisaanermi ilungersunartuliatut filmiliaavoq, amerikamiup fysikerip J. Robert Oppenheimerip atomimik qaartartuliamik ineriartortitsineranik sulinera pillugu filmiliaalluni.
Filmi taanna aviisini pingaarnertut allaaserineqarluartarpoq, filmertarfinnilu takuteqqaarneqarpoq siorna 2023-mi juulip qaammataani.
