KAK-p assammittarneq atorunnaarallartikkaa

Arsaattartut kattuffiat KAK aalajangerpoq futsalimi unammisaqattaarnerni qujaffigeqatigiilluni assammittarnerit atorunnaarallartut. Tassuuna takutinniarneqarpoq nualluutip coronap Nunatsinni tuniluunnissaanut arsaattartut pitsaaliueqataasut.
Futsalimi unammisaqattaarnerni qujaffigeqatigiilluni assammittarnerit atorunnaarallartut, KAK-p aalajangerpaa. Asseq: Toqqorsivimmit.
Allattoq Noah Mølgaard
marsip 04-at 2020 06:40

Taama aalajangerneq nunap immikkoortuani angutit inersimasut Nuummi unammiuaarneranni peqataasunut nalunaarutigineqarpoq. KAKp inassutigaa allat qanillugit quersornaversaartoqassasoq aammalu quersortut isumaliutigilluartariaqaraat unammeqataanngiinnassanerlutik.

- KAK sinnerlugit unammisitsinerit uagut isumagivagut. Arsaattut dommeriusullu assammittarunnaarallarnissaannik KAK-p aalajangernera malipparput.

- Nalunngilarput futsalimi timikkut attoqattaanneq pisartoq. Taamaattumik aalajangernerput imatut paasineqassaaq takutikkusukkipput nualluutip coronap tuniluunnissaanut pitsaaliuinermut arsaattartut peqataasut, Inuaraq Petersen, unammersuartitsisunit NBU-meersoq oqarpoq.

Arsaattartartut 120-t missaanniittut Nuummiit, Paamiuniit, Maniitsumiit Tasiilamiillu aggersut peqataapput. Taakku unamminerat arfininngorpat naammassissaaq.

Angutit inersimasut nunap immikkoortuani avannaani unammiuaarnerat Ilulissani aamma ingerlanneqarpoq. KAK-p inassuteqarnera tassanissaaq malinneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq