Olsvigip sussaqarfiit tigunissaat ujartorpaa
Sara Olsvig aviisimut Sermitsiamut taama oqarpoq.
Namminersorluni Inatsit malillugu susassaqarfiit 32-t Danmarkimit nunatsinnut nuunneqarneranit aappaagu ukiut qulinngussapput.
Aatsitassanut imaanilu sullivinni avatangiisinut suliassaqarfiit 2010-mili kisimik tiguneqarput. Naak namminersornermut inatsit malillugu namminersorlutik oqartussat piumallerunik suliassaqarfiit tigusinnaagaluaraat.
AAMMA ATUARUK Løkkep nunatsinni free associationeqalernissaa itigartitsissutigigaa
- Suliassaqarfippassuit, qallunaat naalagaaffiata suli Kalaallit Nunaanni ingerlatai, Inatsisartuni samminngippallaarigut isumaqarpunga.
Naalakkersuisut suliassamut pilersaarusiornissaat Sara Olsvigip ujartorpaa, pilersaarut qaqugu suullu suliassaqarfiit Danmarkimit tiguneqassanersut.
Nunarpullu suliassaqarfinnik tigusigaangat aningaasanik tapiisoqartannginnera unammillernartortaqartoq Inuit Ataqatigiit siulittaasuat oqarpoq, nangipporlu:
- Kalaallit Nunaata aalajangiusimassavaa qallunaat naalagaaffiata oqartussaaffinnik tunniussinermini tamakkua naammaginartumik pitsaassuseqarnissaannik pisussaaffeqarnini malissagaa. Akerlianik pisariaqarpoq Kalaallit Nunaata ersarissumik nalunaarutigissagaa oqartussaaffiit sorliit tigunissaat pingaarnerutinnerlugu.
AAMMA ATUARUK Ataatsimoortumik tapiissutit ilaneqarnissaannik siunnersuut akerlerineqartoq
