Ole Dorph: Qeqertarsuup Tunuanut pingaaruteqarluinnarpoq

Qaasuitsup kommunea mittarfimmut alutornartorsuarmut Newportimik suliniuteqarneq naaggaarneranut taarsiullugu, Naalakkersuisut  Ilulissat 2200 meterimik mittarfeqalernissaa  siunniunneqarmat Borgmesterip assut nuannaarutigaa.

-Tamanna sutigut tamatigut Kalaallit Nunaata avannaani, ineriartoqqinnissamut takornariaqarnermut aalisakkanillu nutaarluinnarnik tunisassiornermut pingaarutilerujussuuvoq, Ole Dorph AG-mut oqarpoq.

AAMMA ATUARUK Dorph: Akitsuutit pinnagit mittarfissualiortoqarli

Ole Dorphip mittarfiup tallineratigut, takornariat minnerpaamik arfineq marloriaatinngornissaat, ukiuni qulini 15-illu ingerlaneranni ilimagaa. Tamatumunnngalu ilanngullugu Avannaani najugaqarlernissaq pilerinarnerulissasoq aamma naatsorsuutigalugu.

Pilersaarutit ajunngitsumik ingerlaannassappata, mittarfissaq 2019-mi piareersinnaavoq.

AAMMA ATUARUK Suliniut Nunatsinnut aarlerinartoq