OL-imut peqataasimasut arlallit Arctic Circle Racemi peqataaniarlutik nalunaarsimapput

Unammissutaasartumut nunarsuarmi tusaamaneqartumut ujakkaarlunilu unamminerup eqiingaffigineqarneranut tusaamasat peqataanissaat iluaqutaassasoq, ACR-ip siulittaasua Jens Klaus Lennert oqarpoq.
Assi © : @dortheivalo - ACR
Allattoq Anton Gundersen Lihn
marsip 23-at 2018 11:36
Nutserisoq Erna Lynge

- Canadaminngaanniit, Canadami ujakkaartartut landsholdianinngaanniit Dahria Beatty OL-imi peqataaqqammersoq peqataasussaavoq, taamatullu aamma Martin Møller Nunatsinneersoq aamma OL-imi peqataaqqammersoq. Tassa taakkua peqataasussaapput, tassa angutini arnanilu taakkua maluginiarneqartussat ilagisussaassavaat.

ACR-imi siulittaasoq taama oqarpoq, nangillunilu:

- Tassa isumaqartorujussuuvoq taamatut tusaamasaalaartunik peqataasoqartarnera Arctic Cirkle Racep aammalu Nunatta avammut nittarsaannerani taamaattunik peqataasoqaraangat nunani allaninngaanniit tusagassiorfiit soqutiginninnerujussuusarput, taamaalillutik aamma nittarsaattarpaat avammut taamatut peqataasoqarnera.

AAMMA ATUARUK ACR peqataasussanut 106-inut piareertoq

Jens Klaus Lennertip ilanngullugu oqaatigaa ACR-imut soqutiginninneq ingammik inuit qarasaasiatigut attaveqarfigiittarfiisigut assut malunnartoq:

Aammalu facebookerput atorneqartorujussuusarami unammiffiup nalaani, tassani maluginiartarparput tassa inuppassuit malittarigaat, taamatut aamma nunani allaneersorpassuit.
eersorpassuit.

Peqataasussat katillutik 106-iusut, piumassutsiminnik suleqataasut 200-put.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq