Nuummi tunillatsissimasut pingasunik ilapput
![](/sites/default/files/styles/image_934x467/public/article_images/img_20210528_134155_0.jpg?itok=VMo6sLaz)
Inuit pingasut Nuummi mittarfissualiornermi sulisut covid-19-mik tunillatsissimapput.
Taama oqarpoq nakorsaaneq Henrik L. Hansen
Taama nalunaaruteqartoqarpoq inuit 400-it covid-19-mut tunillatsisimanerlutik ippassaq misissortinnerisa kingorna.
Misissortittoqarmat, inuit pingasut mittarfissualiortut covid-19-mik tunillatsissimapput.
- Nuummi inuit 400-it ippassaq misissortipput.
- Suliffeqarfimmi mittarfissualiortuni sulisut siusinnerusukkullu takkua attumaassuteqarfigisimasaat misissortipput, nakorsaaneq Henrik L. Hansen taama oqarpoq.
AAMMA ATUARUK Nuummi killilersuinerit sukaterneqarput
Tunillaassuuteqarneranik takussutissaqanngilaq
Tunillatsissimasut illoqarfimmi attaveqarfigisimasaat tunillatsissimanngillat, tamannalu naammagisimaartorujussuarput, nakorsaaneq taama oqarpoq.
Taassuma qulakkeerlugu oqaatigaa, Nuummi tunillaassuttoqarneranik takussutissaqanngitsoq.
- Mittarfiliornermi sulisut kisimik tunillatsissimapput, Henrik L. Hansen oqarpoq.
- Maannakkut Nuummi inuit arfinillit covid-19-mik tunillatsissimapput.
- Uani inuit pineqartut tassaapput mittarfissualiornermi Munck Gruppenimi sulisut.
AAMMA ATUARUK Nuummi tunillatsissimasoq mittarfissualiortuni sulisuusoq
Pissutsit maannakkut atuuttut qanoq nalilersinnaavigit ? Tunillaassuineq nakkutigineqarsinnaava?
- Pissutsit maannakkut atuuttut aallavigalugit tamakkiisumik nakkutigineqarsinnaasutut oqaatigineqarsinnaanngilaq, tassami mittarfissualiornermi sulisut taakkualu najugaqarfigisaanniittut tunillatsissimapput.
-Tunillatsissimasuni ataaseq, covid-19-imik tunillatsissimanerminik takussutissaqarpoq imali ajortiginngilaq napparsimmavimmut unitsinneqartariaqarani.
Nuummi napparsimmavissuarmi Sanami ullut kingulliit arlalinnik missisortittoqarpoq.
Suliffeqarfimmi Munck Gruppenimi sulisut 80-it, Paaneeraq Noahnsenip oqarneratut, ippassaq tallimanngornermi misissortipput, taakkunani allanik tunillatsissimasoqarnissaa ilimagineqarsinnaava ?
- Taamaattoqarsinnaavoq, tunillatsissimasuni misissukkatsinni tunillaassuuttorujussuarmik tunillatsissimasunik ilaqarput, taakkualu allanik tunillaasimasinnaapput.
-Taamaattumik qulakkeerneqarsinnaanngilaq tunillatsissinnaaneq qaangiuttoq.
Nakorsaanerup qulakkeerlugu oqaatigaa, mittarfissualiornermi sulisut, mittarfiup eqqaani najugaqartinneqarneri.