Politiit ullormut nalunaarutaat: Nuummi tillinniarneq Maniitsumilu imigassartorsimatilluni biilimik ingerlatsisoq

Nuumi pisiniarfimmut tillinniartoqartoq nalunaaqutaq 03.20 politiinut nalunaarutigineqarpoq. Suliarli pillugu paasissutissanik Kalaallit Nunaanni Politiit oqaaseqarpallaarsinnaanngillat.

- Suliaq pillugu allamik oqaaseqaqqippallaarsinnaanngilanga. Tillinniat inuusuttuararpaalooratarsinnaapput, tillitaqarsimanersulli sunalu tillissimaneraat suli naluarput, pigaartut pisortaat Aqqalu Hansen pingasunngornermi ullaakkut oqarpoq.

Tillinniartoqarsimanerup saniatigut Maniitsumi imigassartorsimatilluni biilimik ingerlatsisoqarsimanera pillugu, pigaartut pisortaat oqaluttuarpoq.

- Angut 20-t missaani ukiulik ullaaralaaq nalunaaqutaq tallimat missaani unitsinneqarpoq, tamatuma kingorna aavata qanoq promilleqartiginera paasilluarumallugu aaverneqarpoq, Aqqalu Hansen oqarpoq. 

Angut aaversereernermi kingorna iperarneqaqqippoq, akissutisinissaminullu maanna utaqqivoq. Suliaq qanoq ingerlateqqinneqassanersoq aavata promilleqasussaa aalajangiisuussaaq.

Taamaattorli pigaartut pisortaata ulloq unnuarlu ulapippallaarsimannginnertik nalunaarutigaa.