Politiit ullormut nalunaarusiaat: Nuummi qatserisartut orniguttut ikiuallattoqanngitsorli
Nuummi illoqarfiup qeqqani ikuallattoqartillugu kalerrisaarutit marluk aallartipput. Politiit kianneranit kissattoortoqartoq nassuiaatigaat.
Kalaallit Nunaanni Politiit qatserisartullu Nuummi ikuallattoqarneranik kalerrisaaruteqarfiusumut ornigupput.
Allattoq Hanna Vestergaard Hviid
januaarip 19-at 2024 10:24
Nutserisoq Connie Fontain
Kalaallit Nunaanni Politiit ikuallattoqartillugu kalerrisaarut Nuummi Godthåb Bryghusip eqqaaniittoq aallartissimasoq pillugu sisamanngornermi ualikkut 16.34 nalunaarfigineqarput.
Politiit qatserisartut peqatigalugit sumiiffimmut ornigupput.
Kalaallit Nunaanni Politiit pigaartuisa pisortaat, Ole Hald KNR-imut paasissutissiivoq.
Qatserisartut ikuallattoqarneranik kalerrisaarutip aallartiffiata eqqaaniittut Godthåb Bryghus aamma sanianiittoq pisiniarfik Akiki misissuiffigaat.
Ikuallattoqanngilarli.
- Qatserisartut ittuata oqarnera naapertorlugu kalerrisaarummik aallartitsinermik kinguneqartumik kiannernik kissattoqarsimasinnaavoq, pigaartut pisortaat oqarpoq, nangillunilu:
- Qujanartumilli ikuallattoqanngilaq, Ole Hald oqarpoq.
