Nuummi paaqqinnittarfimmi Timmiaaqqani meeraq sulisorlu coronavirusimik tunillatsittut

Nuummi paaqqinnittarfik Timmiaaqqat ullumi marlunngornermi matoqqassaaq. Meeqqat paaqqinnittarfimmilu sulisut tamarmik coronavirusimut misissortinnissamut kaammattorneqarput.
Timmiaaqqani sulisut angajoqqaanut attaveqassapput, ilaqutaasullu qanigisaasut Corona pillugu Allattoqarfimmit toqqaannartumik attaveqarfigineqarumaarput. Timmiaaqqats personale ringer til alle forældre og de berørte familier vil også blive kontaktet direkte af Coronasekretariatet tirsdag. Assi © : KNR
Allattoq Nutaarsiassaqartitsivik / Nyhedsredaktionen
septembarip 07-at 2021 06:20

Nuummi paaqqinnittarfimmi Timmiaaqqani meeraq sulisorlu coronavirusimik tunillatsissimasut paasineqarpoq, paaqqinnittarfik tamanna pillugu ullumi marlunngornermi septembarip ulluisa arfineq-aappaanni matoqassaaq.

Nunatta Nakorsaaneqarfia taama allappoq.

Meeqqat paaqqinnittarfimmilu sulisut tamarmik coronavirusimut misissortinnissamut kaammattorneqarput.

Angajoqqaat tamarmik Timmiaaqqani sulisunit saaffigineqassapput, ilaqutariillu qanigisaasut Corona pillugu Allattoqarfimmit toqqaannartumik marlunngornermi attaveqarfigineqassallutik.

Ullumi marlunngornermi misissuinerup inerneri pigineqaleriarpat Kommuneqarfik Sermersuumi Meeqqanut Atuarfinnullu Ingerlatsiviup Corona pillugu Allattoqarfik suleqatigalugu matusineq sivitsorneqassanersoq isummerfigissavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq