Nuummi mittarfik nutaaq kinguaattoortoq
Nuummi mittarfiliornermi suliaqarneq kinguaattoorpoq.
Mittarfik 2023-mi piareereerussaagaluarpoq, tamannali 2024-mi ukiarnissaanut kinguartinneqarpoq.
Kalaallit Airports tusagassiuutinut nalunaarummi allappoq.
* Nuummi Ilulissanilu mittarfiit 2200 meterinut tallineqassapput, Atlantikoq qulaallugu timmisartuussinermi mittarfittut atorneqarsinnaanngortillugit.
* Mittarfissat taakku pingasuusut 3,6 milliardit koruunit missaannik akeqassangatinneqarput.
* Mittarfinnik sanaartorneq 900 millionit koruuninik ilimagisamit akisunerussasoq Naalakkersuisut nalunaajaataanni nutaami aalajangiunneqarpoq.
* Qaqortumi nunap immikkoortuani meterinik 1500-nik takissusilimmik mittarfiliortoqassaaq.
Paasissutissarsiffik: KNR
- Uggoraarput, mittarfiup 2024-mut kingusinaarnissaa. Nalunngilarput suliffeqarfinnut, ammarnissaanut maannakkorpiaq piareersartunut kinguneqarsinnaasoq.
AAMMA ATUARUK Mittarfiliornerit: Aningaasat asfaltimut atorneqartut inunnik isumaginninnermut atorneqarsinnaagaluarput
- Pisoq taanna pinngitsoortinniarlugu suna tamaat tikillugu sulisimavugut kisiannili ingammik COVID-19-eqarnera suliniummut pissuanartunik ilimaginngisanik arlalinnik kinguneqarsimavoq, taamalu ajoraluartumik aallaqqaammut piffissamut pilersaarutip eqqortinnissaa ajornarsisillugu, Kalaallit Airportsip pisortaanera, Jens Lauridsen oqarpoq.
Sulisut akornanni tunillatsissimasoqarsimanera
Nuummi mittarfiliornermi suliaqartut akornanni coronamik maajip naanerani juunillu aallartinnerani tuniluuttoqarpoq.
Tassani Munck Gruppenip mittarfililiornermi suliaqartup sulisuni angerlarsimatiinnarlugit sulineq unitsikkallartariaqarsimavaa.
Kalaallit Airports oqarnera naapertorlugu mittarfimmi sanaartornermi aasaanerani taamaallaat asfaltilersuisoqarsinnaaneranut ilaatigut kinguarsaataavoq.
- Ingammik 2021-mi aasap ingerlanerani sanaartornermi killiffiit pisariaqartut angunissaat ajornakusoorsimavoq, pissutigalugu suliassinneqartuni immikkut ilisimasallit sulisullu amerlasuut Nuummut ingerlanissaat COVID-19 pissutigalugu pitsaalineqarsimammat, Kalaallit Airports allappoq.
AAMMA ATUARUK Munck Gruppen Nuummi coronartoqarnera pillugu: Tutsaqanngippallaarsimavugut
- Taakku ukiup ilaani suliarineqarsinnaasut pingaarutillit arlallit sukkanerusumik naammassineqarnissaat suliassarisimavaat. Assersuutigalugu usserutaasamik qallersuinermi (asfalterinermi) suliareqqaagassat kinguartinneqarsimapput, pissutigalugu taakku taamaallaat aasaanerani qaammatialuinnarnik piffissaqarluni suliarineqarsinnaammata.
Tamatuma saniatigut mittarfiliornermi suliaqarnermut nutaanik piumasaqaateqalerpoq. Assersuutigalugu timmisartunik angallannermut pisortaqarfinnit mittarfimmut aamma pisortanut uppernarsaanissamut piumasaqaatit nutaat atuutilersimapput.
Naatsumik oqaatigalugu corona aamma oqartussanit piumasaqaatit nutaat sanaartornerup ukiumik ataatsimik kinguaattoorneranik kinguneqarput.
- Allat saniatigut suliassat taakku ilaat ataaseq kisimi pineqanngilaq pisulli ataatsimut amerlassusaat, sanaartornermi 2021-mi aasaanerani qaammatit iluanni killiffiit pingaarutillit anguneqannginneri aalajangiisuusimapput. Naggataatigut ajoraluartumik Nuummi mittarfiup nutaap tunniunnissaata ukiumik ataatsimik 2024-mut kinguartinnissaa pisariaqalersimavoq, Jens Lauridsen oqarpoq.
900 millionit koruuninik akisunerusoq
Mittarfinnik sanaartorneq 900 millionit koruuninik ilimagisamit akisunerussasoq Naalakkersuisut nalunaajaataanni nutaami aalajangiunneqarpoq.
Tamanna pissutigalugu nunarput sanaartornerup ingerlaannarnissaa pissutigalugu aningaasanik atortariaqarpoq.
Nunatta oqaluttuarisaanerani sanaartornermi annerpaaq milliardit koruuningajannik akisunerulernera marlunnik pissuteqarpoq: Oqartussanit piumasaqaateqartoqarnerulernera pissutigalugu sanaartornermut aningaasartuutit qaffasinnerulerput. Taakku tassaanerupput Angallannermut aqutsisoqarfimmit avatangiisinut piumasaqaatinut sukannernerusumillu piumasaqaateqarneq.
Taavalu mittarfiit illutassai naatsorsuutigisamit akisunerulerput.
Kalaallit Airports naapertorlugu mittarfik taamaalilluni missingersuutit maannakkut atuuttut naapertorlugit aamma 900 millionit koruuninik akisunerulluni naammassineqarsinnaavoq,