Nuummi misissuivik qamittoorneq peqqutigalugu ullumi matoqqavoq
Nuummi innaallagiaq qameqattaarpoq.
Pingasunngornermut ullaaq illoqarfiup ilai arlallit innaallagiaarupput. Nukissiorfiit ajoqut nassaaraat, qulingiluallu missaani innaallagiaqaleqqippoq.
Kingutsiannguali innaallagiaaruteqqippoq.
Innagallagiaaruttaarneq peqqutigalugu Nuummi misissuisarfik ullumikkut matoqqassasoq, Kommuneqarfik Sermersooq allappoq.
AAMMA ATUARUK Pingasunngornermi ullaakkut Nuummi kingumut innaallagiaqanngilaq
Taamaattumik Inussivimmut misissortikkiartortoqarsinnaanngilaq.
Misissuivik marlunngormat, aamma innaallagiaaruttivissorfiusumi, matoqqavoq.
Nuuk ataasinngornermiit marlunngornermut akunnerit 18-t innaallagiaqanngilaq. Innaallagiap aqqutaata kittoranera peqqutaasoq, Nukissiorfiit oqarpoq.
Ajoqut marlunngornermi iluarsineqarpoq, Nuullu ilai arlallit innaallagiaqaleqqipput.
Illoqarfik ilarpassui pingasunngornermi ullaakkut innaallagiaaruteqqipput. Qinngorpumilli innaallagiaqaannarpoq.
Illoqarfiup ilaanni arlalinni nalunaaqutaq qulingiluanut innaallagiaqaleqqippoq, tamannali sivikitsuinnaavoq. Illoqarfimmi tamarmi kingunitsianguami innaallagiaaruteqqippoq.
Nukissiorfiit naapertorlugit, innaallagissap Utoqqarmiut Kangerluarsunnguaniit Nuummut aqqutaani attuuttornikkut sarfaarummat, Nuuk tamakkarluni sarfaaruppoq.