Nutartigaq Nuummi inuussutissarsiortoqarfimmiittut qimarngunneqartut
![](/sites/default/files/styles/image_934x467/public/article_images/16810027_10154057533701853_19353950_n.jpg?itok=J857SAEK)
Nalunaaqutaq 12.45 nutaarerpoq: Siaqqinneq ammaqqitoq, politiit nalunaarput.
Nuummi mittarfimmut aqqusinermi inuussutissarsiuteqarfimmi akuutissanik ulorianartunik tallimanngornermi kuisoortoqarsimavoq. Suliffiit namminersortut arlallit inui qimanngunneqarput, ajoqusertoqanngitsorli, politiit oqarput.
- Qinngorpukkooraanni suli mittarfiliartoqarsinnaavoq, politiit ajutoortoqarnerani ataqatigiissarisuannersoq, Gidion Quist, oqarpoq.
Politiit akuutissanik kuuttoqarneranik LNS Greenland Gems-imiit nalunaaqutaq 9.30 kalerrinneqarput. Taava politiit Nukappiaaluup qanittuani 150 meterisut annertutigisoq matuaat. Tassalu Ilimmarfimmiit saviminernut eqqaaviup tungaanut matoqqavoq.
Gidion Quist naapertorlugu akuutissaq tassaavoq flus-syre kimittusisaq. Aamma oqarpoq, annaassiniartartut tamaaniittut, aqqusinerlu tallimanngornerup ingerlanerani ammaqqinneqassasoq naatorsuutaasoq.