Ilulissani mittarfissualiorneq ukioq manna januaarip 29-ani qaartitseqqaarnermik aallarnerneqartussaasimagaluartoq apriilimi aatsaat tamakkiisumik aallartinneqarpoq. Timmisartorsuit nunatsinni illoqarfiit pingaarnersaanniit timmisinnaaqqullugillu tassunga missinnaaqqullugit Nuummi mittarfissualiorneq siorna oktobarip ulluisa 16-ianni aallartippoq.Assi: Anne Meisner

Nuummi Ilulissanilu qaartiteriuarsinnassasut

Nuummi mittarfissuassap eqqaani nunaminertaq 1,1 millionit kubikmeterit missaattut annertutigisoq septembarip 30-ata tungaanut qaartiterneqassaaq. Ilulissanilu mittarfissuassap eqqaani nunaminertaq 92.500 kubikmeterit missaattut annertutigisoq qaartiterneqassalluni.

Nuummi Quassussuup eqqaani mittarfissuassaliorfimmi qaartiterisaqattaaleruttormata qanngoqattaarpoq. 

Taamaaginnarassallunilu. Taassumammi eqqaa 1,1 millionit kubikmeterit missaattut annertutigisoq septembarip 30-ata tungaanut qaartiterneqassaaq. Maannamut qaartiterneqareersoq Kalaallit Airports naapertorlugu 1.000 – 5.000 kubikmeterit missaannaattut annertutigaaq.

1,1 millionit kubikmeteri qanoq annertutiginersoq takorlooruminaalaarsinnaagunarpoq. Tamannali RAL-ip umiarsuartaareqqammisaanut 63.000 kubikmeterinik useqarsinnaasumut naleqqiunneqarsinnaavoq. Nuummi qaarsoq Tukuma Arcticap usisinnaasaata 17-eriaammik annertutigisoq juulip, aggustip septembarillu ingerlaneranni qaartiterneqassaaq.

  
Mittarfiliortiterneq
- Nuummi Ilulissanilu mittarfiit 2200 meterinut tallineqassapput, Atlantiku qulaallugu timmisartuussinermi mittarfittut atorneqarsinnaanngortillugit.
-  Qaqortumi nunap immikkoortuani meterinik 1500-nik takissusilimmik mittarfiliortoqassaaq.
- Mittarfissat taakku pingasuusut 3,6 milliardit koruunit missaannik akeqassangatinneqarput.

Mittarfissuassap eqqaani ingammik kujasinnerusortaani piffissami aggersumi qaartiterisaqattaassaapput. Taanna Stanislawip Isikkiaviata, Nuussuup Qinngorpullu akornanniittup, tungaaniippoq. Mittarfissuassalli eqqaata avannamut kangisissortaani - pinerluuteqarsimasunut inissiisarfittaap tungaaniittumi - septembarip 30-ata tungaanut aamma qaartiterisoqartassaaq.

AAMMA ATUARUK Video: Boooom – Ilulissani mittarfissamut qaartitsineq siulleq

Kujasinnerusortaanili Kalaallit airport naapertorlugu qaartiterinerusoqassaaq. 

Ullaakkut nalunaaqutaq arfineq-marluniit unnukkut nalunaaqutaq qulit tungaannut pisassapput, Nuummiinnarlu nunaminertaq 1,1 millionit kubikmeterit missaattut annertutigisoq aasaq manna qaartiterneqassalluni. 

Mittarfissat 2023-mi naammassineqassangatinneqartut

Ilulissani aamma qaartiterisaqattaartoqassaaq. Tassani nunaminertaq 92.500 kubikmeterit missaattut annertutigisoq septembarip 30-ata tungaanut qaartiterneqassaaq. 

Ilulissani mittarfissualiorneq ukioq manna januaarip 29-ani qaartitseqqaarnermik aallarnerneqartussaasimagaluartoq apriilimi aatsaat tamakkiisumik aallartinneqarpoq. 

Timmisartorsuit nunatsinni illoqarfiit pingaarnersaanniit timmisinnaaqqullugillu tassunga missinnaaqqullugit Nuummi mittarfissualiorneq siorna oktobarip ulluisa 16-ianni aallartippoq. 

Nuummi Ilulissanilu mittarfissat 2023-p naanerani naammassineqassangatinneqarput.

Også lufthavnen i Qaqortoq er planlagt til 2023, og forhandlinger om, hvem der skal bygge lufthavnen, er i gang. 

Qaqortumi mittarfissaq aamma 2023-mi naammassineqassangatinneqarpoq, tassanilu mittarfiliortussat pillugit isumaqatigiinniartoqaleruttorpoq. 

Mittarfissat taakku pingasuusut 3,6 milliardit koruunit missaannik akeqassangatinneqarput.

Politikkikkut aalassaataasut

Mittarfiliortiterneq nunatsinni politikkikkut aamma aalassaataapput. Naalakkersuisut siulittaasuatami, Kim Kielsenip (S), siorna oktobarimi qaartitserngaannginnermi nunat tamalaat akornanni politikkit annertuut nunatsinnilu politikki sammeqqaartariaqarsimavai.

Kinamiut mittarfinnut pilersaarutinut aningaasaleerusunnerat Kinap Issittumut iserniarluni aningaasaliiniarniarnera USA-mit aarlerissutaavoq.

AAMMA ATUARUK Qaartitsisoqarnerani ersaattaattoqarlunilu akerliusoqartoq

Danskilli naalagaaffiat aningaasaleeqataasutut naggaterpiaani inissippoq. Tamannali Siumut partiiata iluani kamaatigineqaqaaq, Kim Kielsenillu partiimi siulittaasutut tunuarnissaanik piumasaqaateqarnermik kinguneqarluni.

Partii Naleqqap tamanna aamma kamaatigaa, danskit Nuummi Ilulissanilu mittarfiliortiternissamut danskit piginneqataalernerat akerlilerlugu partii naalakkersusisooqatigiinnit tunuarpoq.

 


  
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat