Nuummi Ilulissanilu mittarfissanut siulersuisuni ilaasortassanik naalagaaffik toqqaasoq
Danskit naalakkersuisuisa Kalaallit Airports International A/S-imi siulersuisunut ilaasortassat marluk toqqarpaat.
Allattoq Helle Nørrelund Sørensen
maajip 03-at 2019 09:41
Nutserisoq Connie Fontain
Arnat inuussutissarsiuteqartut marluk toqqarneqarput:
Tassa Mette Eldrup TV2 Danmarkimi upernaaq pisortaanertut soraartoq Marlene Haugaardilu ingeniøritut ilinniarsimasoq ullumikkullu sanaartugassanik suliassinneqartartumi, NCC-mi pisortaq toqqarneqarput.
AAMMA ATUARUK Kalaallit Airports pillugu piginneqatigiinnissamik isumaqatigiissut saqqummiunneqartoq
Siulersuisunut ilaasortanngortut marluk immikkut ittumik ataatsimeersuartoqarnerani toqqarneqarput.
Tamannalu danskit naalagaaffiata Nuummi Ilulissanilu mittarfinnik ingerlatsisussamut Kalaallit Airports A/S-imut 33 procentimik piginneqataalerneratigut pilluni.
Siulersuisunut ilaasortat sinneri sisamat siulittaasoq ilanngullugu Kalaallit Airports Holding A/S-imit toqqarneqarput.
